Преподобный Амвросий еще при жизни почитался как старец, к нему приезжали за советом, сила его веры поражала всех, кто его знал. Всю жизнь страдая от телесных недугов, он был невероятно силен духом. Молитва Преподобному Амвросию Оптинскому творила чудеса. Он мог исцелять не только телесные, но и душевные недуги, утешая и помогая приходящим к нему.
Преподобному Амвросию молятся:
- О здравии;
- Об укреплении в вере;
- О наставлении детей;
- О судьбе Отечества;
- О любых житейских нуждах.
При жизни он находил доброе и мудрое слово для всех, кто к нему обращался. Знаменитые цитаты Преподобного Амвросия Оптинского:
- Жить — не тужить, никого не осуждать, никому не досаждать, и всем моё почтение.
- Иди - куда поведут, смотри - что покажут, и всё говори: да будет воля Твоя!
- Праведных ведёт в Царство Божие апостол Пётр, а грешных - Сама Царица Небесная.
- Читайте «Отче наш», но не лгите: «…остави нам долги наша, яко же и мы оставляем…»
- Отчего человек бывает плох? Оттого, что забывает, что над ним Бог.
- В церкви не должно говорить. Это злая привычка. За это посылаются скорби.
- Древних христиан враг искушал мучениями, а нынешних - болезнями и помыслами.
Молитва Амвросию Оптинскому, текст
О великий старче и угодниче Божий, преподобне отче наш Амвросие, оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тя сущи, наипаче же увенча тя небесною честию по отшествии твоем в чертог славы вечныя. Приими ныне моление нас недостойных чад твоих (имена), чтущих тя и призывающих имя твое святое, избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже сам подвизался еси и угодил еси всеми в Троице славимому Богу нашему, Ему же подобает всякая слава, честь и поклонение, Отцу и Сыну и Святому Духу, ныне и присно и во веки веков. Аминь.
Акафист Амвросию Оптинскому
Кондак 1
Избранный угодниче Божий и чудотворче, великий старче Амвросие, Оптинская похвало и всея Руси дивный наставниче, прославляюще твое в подвизех изрядное житие, приносим многохвальное пение, ты же, яко имеяй дерзновение ко Господу, молися о всех нас, чадех твоих, со умилением зовущих:
Икос 1
Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит тя на путь истиннаго жительства и благословит на подвиги спасения. Он же, провидев грядущее твое богоугодное житие, посла тя в обитель Оптину, и тамо ты обрел еси себе доброе пристанище. Мы же, видяще таковое Божие изволение о тебе, глаголем сицевая:
Радуйся, Богом избранная отрасле благочестия родителей; радуйся, измлада лет твоих Господа возлюбивый.
Радуйся, к книжней мудрости усердие от юности имевый; радуйся, святых отцев духоносное учение познавый.
Радуйся, скорогибнущих благ мира сего отвержение; радуйся, нетленных сокровищ неослабное желание.
Радуйся, Божия произволения о спасении души твоея искавый; радуйся, благословение на путь монашеский получивый.
Радуйся, преподобне Амвросие, богомудрый учителю веры и благочестия.
Кондак 2
Видя сердца твоего благое намерение, Христос предначерта узкий и тернистый путь твоего спасения, и, егда был еси внезапу на смертнем одре болезни, даде Господу обещание: аще исцелит тя, всего себе предати подвигом иночества. Востав же по милости Божией со одра болезни, абие прославил еси всещедраго Бога, Врача душ и телес, зовя: Аллилуиа.
Икос 2
Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашескаго жительства. Мы же, дивящеся твоему благому намерению, воспеваем ти:
Радуйся, на Бога Промыслителя всю надежду возложивый; радуйся, токмо Его благоизволения взыскавый.
Радуйся, всякое испытание во спасение души понести готовый; радуйся, совести своея велению последовавый.
Радуйся, увеселения мирская возненавидевый; радуйся, богатства земная невозлюбивый.
Радуйся, Богу Единому поработати всего себе подвигнувый; радуйся, Тому точию угодити восхотевый.
Радуйся, преподобне Амвросие, богомудрый учителю веры и благочестия.
Кондак 3
Силою любве утверждаяся в вере, поревновал еси Евангельское житие стяжати по образу преподобных отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.
Икос 3
Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти:
Радуйся, Божия Матере верное и возлюбленное чадо; радуйся, Ея священнаго покрова силы тайное постижение.
Радуйся, благословения родительскаго чрез Ея образ добронравный хранителю; радуйся, Заступницы усердныя благоговейный почитателю.
Радуйся, многочастне в нощи молитвы к Ней слезно возносивый; радуйся, помощь небесную от Нея непостыдно восприемый.
Радуйся, тако утешение в сердце своем обретый сладостное; радуйся, яко умиление приял еси благоотишное.
Радуйся, преподобне Амвросие, богомудрый учителю веры и благочестия.
Кондак 4
Бурею помышлений движимый, пришел еси в обитель преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России чудотворец и учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.
Икос 4
Слыша велие житие и благочестие богомудрых отцев и старцев Оптины пустыни, тайно оставил еси мир и вся, яже в нем, и пришел еси, не обинуяся, в обитель сию во смирении души, во еже спастися и угодити Богу. Мы же, видяще вящую ревность души твоея, приносим ти хвалебную песнь:
Радуйся, тленная блага мира сего нивочтоже вменивый; радуйся, сладость церковную познавый.
Радуйся, во обитель святую вселивыйся; радуйся, всего себе Богу отдавый.
Радуйся, заповеди Божия неленостно исполнивый; радуйся, плоды Христова учения сладце вкусивый.
Радуйся, подвигов святых отцев ревнителю; радуйся, чистоты душевныя неусыпный хранителю.
Радуйся, преподобне Амвросие, богомудрый учителю веры и благочестия.
Кондак 5
Богозданная пустынь прият тя, яко во объятия отча, в нюже кротко вселился еси и тамо первее понесл еси труды послушания в келии великаго старца, богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.
Икос 5
Видяще твое иноческое преуспеяние, облекоша тя отцы пустыни в ризы схимы великия, и сподоби тя Подвигоначальник Христос благодати ангельскаго чина приобщитися, сего ради вопием ти:
Радуйся, всем сердцем Бога возлюбивый; радуйся, всею душею Ему послуживый.
Радуйся, веру чрез многия труды непреложно утвердивый; радуйся, надеждою на помощь свыше себе вооруживый.
Радуйся, любве евангельския сокровище; радуйся, даров Духа Святаго вместилище.
Радуйся, подвигов монашеских воине доблественный; радуйся, равноангельнаго жития подражателю предивный.
Радуйся, преподобне Амвросие, богомудрый учителю веры и благочестия.
Кондак 6
Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая, и многия от пути заблуждения обратил еси ко Христу Жизнодавцу, поя благодарственно: Аллилуиа.
Икос 6
Возсиял еси, яко свеща многосветлая, в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немощствующим, страждущим и уничиженным, воспевающе таковая:
Радуйся, светильниче православныя страны Российския; радуйся, зерцало Божественныя любве.
Радуйся, столпе веры апостольския; радуйся, каменю надежды жизни вечныя.
Радуйся, наставниче во всяких обстояниих боговдохновенный; радуйся, проповедниче покаяния рачительный.
Радуйся, врачу недугов телесных; радуйся, целителю болезней душевных.
Радуйся, преподобне Амвросие, богомудрый учителю веры и благочестия.
Кондак 7
Хотя последовати Самому Христу, подражал еси Ему всеусердно, взем иго Его на себе и, научився от Него кротости и смирению, обрел еси покой души своей, зовущей присно: Аллилуиа.
Икос 7
Новая и дивная звезда святости явися на небе церковнем, егда восшел еси по лестнице духовней к совершенству ангелоподобному, простерл еси лучи любве своея по лицу всея земли Русския и привлекл еси к себе знатная и худородная, мудрая века сего и немудрая, вопиющая к тебе сицевая:
Радуйся, граде, верху горы стояй; радуйся, светило, мрак неведения прогоняющее.
Радуйся, вся немощная врачуяй; радуйся, от бед и прельщений вражеских избавляяй.
Радуйся, печальных утешителю; радуйся, жаждущих духовный напоителю.
Радуйся, хитрословеснаго мудрования века сего обличителю; радуйся, многих заблудших на путь истины исправителю.
Радуйся, преподобне Амвросие, богомудрый учителю веры и благочестия.
Кондак 8
Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси закон Христов, поя с благодарением: Аллилуиа.
Икос 8
Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти:
Радуйся, вождю ищущих спасения; радуйся, образе истиннаго послушания.
Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый.
Радуйся, паствы твоея изрядный душепопечителю; радуйся, алчущих жизни вечныя питателю.
Радуйся, обидимых покровителю; радуйся, непокорных воли Божией вразумителю.
Радуйся, преподобне Амвросие, богомудрый учителю веры и благочестия.
Кондак 9
Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.
Икос 9
Витийства суемудрых, неведавших силы веры православныя, отметал еси словом Божиим и чистым житием твоим и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительная. Мы же, дивящеся трудом твоим, воспеваем сице:
Радуйся, веры правыя адаманте; радуйся, жития по вере крепосте.
Радуйся, духа благочестия насадителю; радуйся, добродетелей христианских сеятелю.
Радуйся, подвигов старчества преуспеяние; радуйся, множества иноков духовное просвещение.
Радуйся, приведый тех ко спасению; радуйся, обративый многия грешныя к покаянию.
Радуйся, преподобне Амвросие, богомудрый учителю веры и благочестия.
Кондак 10
Спастися взыскующим Царства Небеснаго вспомоществуя, верный путеводитель явился еси, мирския и духовныя управляя; на конец же лет своих многия труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.
Икос 10
Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем ти:
Радуйся, стрелы вражия угасивый; радуйся, демонския полки победивый.
Радуйся, пленных от духов злобы свободивый; радуйся, из темницы страстей многия души изведый.
Радуйся, любовию и молитвами заблудшия к Богу обративый; радуйся, сирот и вдовиц добрый попечителю.
Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче.
Радуйся, преподобне Амвросие, богомудрый учителю веры и благочестия.
Кондак 11
Пение умиленное приносим ти, скорому помощнику в нуждах и печалех всем, к тебе с верою и любовию притекающим, до конца бо дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.
Икос 11
Светильника добродетелей видеша в тебе вси концы, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем ти таковая:
Радуйся, усердный слуго, сотворивый волю Господина своего; радуйся, воине Христов, суету житейскую оставивый.
Радуйся, Богу Единому послуживый; радуйся, вся заповеди Божия исполнивый.
Радуйся, обители небесныя удостоивыйся; радуйся, горния славы приобщивыйся.
Радуйся, наследниче жизни вечныя; радуйся, угодниче Божий прехвальный.
Радуйся, преподобне Амвросие, богомудрый учителю веры и благочестия.
Кондак 12
Благодати Божия сокровище некрадомое унаследовал еси и тихое, безмятежное пристанище на небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику святых причислен был еси. Ныне, ублажающе память твою святую, поем вси: Аллилуиа.
Икос 12
Поюще твое всероссийское прославление, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении:
Радуйся, Амвросие, Божественнаго безсмертия тезоименитый; радуйся, Церкве Православныя честная похвало.
Радуйся, лика святых угодников причастниче; радуйся, сонма преподобных отцев сотаинниче.
Радуйся, пред Престолом Бога Всевышняго наш твердый предстателю; радуйся, пред судом Божиим наш теплый ходатаю.
Радуйся, нас, странствующих во юдоли плачевней, путеводителю; радуйся, о всей земли Российстей неусыпный молитвенниче.
Радуйся, преподобне Амвросие, богомудрый учителю веры и благочестия.
Кондак 13
О, дивный угодниче Христов и чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога, вопиюще: Аллилуиа.
Этот кондак читается трижды, затем 1-й икос «Ангельскому житию …» и 1-й кондак «Избранный угодниче…».
Молитва первая
О, великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое, избави нас твоим предстательством пред Престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже в преуспеянии сам подвизался еси и угодил еси всеми в Троице славимому Богу нашему, Емуже подобает всякая слава, честь и поклонение, Отцу и Сыну и Святому Духу, ныне и присно, и во веки веков. Аминь.
Молитва вторая
О, преподобне и богоносне отче наш Амвросие! Ты, поработати Господеви желая, зде вселился еси и неленостно во трудех, бдениих, молитвах и постех подвизался еси и был еси наставник монашествующим, всем же людям учитель ревностный. Ныне убо, по отшествии твоем от земных, Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да низпослет нам обилие благ земных, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.
Молитва третья
О, всечестный старче преславныя и дивныя Оптины пустыни, преподобне и богоносне отче наш Амвросие! Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недуг наших: воззри на чад твоих, зело согрешающих в словесех и делех, и посети нас многою и святою своею любовию, еюже славно преуспел еси еще во дни земныя, наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в немже мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, низпосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль, ни воздыхание, но жизнь и радость безконечная, изобильно проистекаемая от Единаго, Всесвятаго и Блаженнаго Источника безсмертия в Троице покланяемаго Бога, Отца и Сына и Святаго Духа, ныне и присно, и во веки веков. Аминь.
Икона
Где можно поклониться мощам Преподобного Амвросия
В Оптиной пустыни можно поклониться мощам Преподобного Амвросия. Они хранятся в Введенском соборе. Часть дня они открыты для поклонения.
Приложиться к мощам можно:
- Сразу после Полунощницы, перед началом ранней Литургии - примерно в 6.15–6.30
- В промежуток после окончания поздней Литургией и начала вечернего богослужения (то есть до 17:00)
Большую роль в духовном развитии нашей Родины сыграли старцы, жившие в Оптиной пустыни. Особым почитанием пользуется святой Амвросий Оптинский - простой монах, не обладавший высокими церковными должностями. Зато он обладал нетленным сокровищем - смирением, а также другими Божиими дарами.
Житие Амвросия Оптинского
Родился на свет в Тамбовской области, в скромной большой семье, которая вскоре потеряла кормильца. Дед его был иереем, отец - пономарем (звонарь). Возможно, поэтому мальчик с детства имел тягу к монашеской жизни, но решился на нее не сразу. Учился очень хорошо, духовное училище окончил с отличием. Будучи семинаристом, Александр очень тяжело заболел. Тогда и пообещал Богу, что уйдет в монастырь, если Господь его исцелит. Однако, до исполнения обещания прошло затем еще несколько лет.
По словам самого подвижника, ему тяжело было проститься с мирской жизнью. Решающим моментом стала поездка в Троице-Сергиеву лавру. Там он встретил духовного наставника, который благословил его отправиться в Оптину. Юноша решил следовать совету без промедления, словно боялся опять передумать. Так он начал свое восхождение к святости.
Житие Амвросия Оптинского в монастыре не назовешь легким. Каждый начинает там путь с тяжелого физического труда. Случилось так и с Александром. Молодой человек и без того был очень слаб здоровьем. К тому же был очень хорошо образован, знал несколько иностранных языков. Однако работал на кухне - помогал печь хлеб. Кто был на монастырях, знают - послушания на кухне одни из самых тяжелых. Надо очень рано вставать, а оставлять рабочее место поздней ночью.
Но испытания не сломили юношу, и вскоре он стал монахом с именем Амвросий, через 3 года уже был иеромонахом (священником). Всю жизнь святой терпел множество тяжелых физических недугов. Его даже как-то подготовили к смерти, потому что братьям казалось, что после очередной болезни Амвросий не выживет. Но он прожил до 78 лет. Многое успел сделать для своих духовных детей.
Молитва Амвросия Оптинского
Монахи - это особенные люди, которые всю жизнь посвящают тому, чтобы молиться. Это не так просто, как кажется. Требуется собранность, усердие и воля. Святые отцы завещают и мирянам чаще прибегать к этому благодатному средству. Амвросий Оптинский составил разные молитвенные правила, которые по силам любому верующему.
- При нападениях врагов (или недоброжелателей), во время искушений - псалмы 3, 53, 58 и 142. Можно прочитывать не все, а те, что больше нравятся. Читать каждый день.
- Если нападает уныние, тяготит скорбь - псалом 101.
Данные молитвы, составленные царем Давидом, имеют великую целительную силу.
Молитва Амвросию Оптинскому помогает многим людям и в наше время. Вот только несколько свидетельств:
- Молодой человек заболел инфекционным заболеванием легких. После помазывания освященным маслом из Оптиной и молитвы преподобному на другое утро встал здоровым.
- Девушке, которую несправедливо уволили - помог найти работу, предложение поступило в этот же день после молитвы в храме.
- Мужчина, который искал свое место в жизни, по молитвам нашел супругу и счастливо живет в браке.
Люди обращаются в самых разных ситуациях. Можно молиться Амвросию Оптинскому и о детях - просить им телесного здоровья, успехов в учебе. Святой даже составил особую молитву, которую должны прочитывать матери о своих чадах.
О великий старче и угодниче Божий, преподобне отче наш Амвросие, оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тя сущи, наипаче же увенча тя небесною честию по отшествии твоем в чертог славы вечныя. Приими ныне моление нас недостойных чад твоих (имена), чтущих тя и призывающих имя твое святое, избави нас твоим предстательством пред престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже сам подвизался еси и угодил еси всеми в Троице славимому Богу нашему, Ему же подобает всякая слава, честь и поклонение, Отцу и Сыну и Святому Духу, ныне и присно и во веки веков.
Наставления святого
Амвросий Оптинский известен своими наставлениями. Он мог общаться как с самыми простыми людьми, крестьянами, так и с лучшими умами своего поколения. Например, был знаком с Ф. М. Достоевским, даже стал прототипом для одного из его героев. Поучения его были очень краткими, образными, простыми. Смысл многих из них сводился к тому, что жизнь не следует усложнять - надо придать все заботы в руки Божии, а самим молиться, оказывать уважение ближним.
После Льва и Макария, Амвросий Оптинский стал самым известным старцем из этой прославленной обители. Внешне его жизнь не отличалась от многих других, но внутренний рост известен лишь одному Всевышнему, а он намного важней. Благодаря молитвенному подвигу старец достиг святости.
Храмы и иконы
К лику святых преподобный старец был причислен в 1988 г., но в народе еще при жизни заслужил великое доверие и любовь. Сегодня в России есть несколько храмов Амвросия Оптинского - в Ленинградской области, в Кировской епархии, в Тверской епархии. Но мощи преподобного находятся в соборном храме Оптиной пустыни. Там было подготовлено место возле св. Макария, над могилой сейчас находится часовенка.
Обретение было произведено совместно, в 1998 г. - тогда были открыты гробницы восьми святых, которые покоились на монастырском кладбище. Иконы Амвросия Оптинского изображают его седовласым старцем, в монашеском облачении. Они имеют достаточно сильное портретное сходство с прижизненными портретами святого. Святой держит в руках четки (ведь монахи творят молитву по ним), или свиток.
Вся жизнь Амвросия Оптинского была посвящена Господу и людям. Имея прекрасное образование, он славился простотой. Жил очень смиренно, кротко перенося телесные немощи, был духовным светом для своих учеников. Молитвами преподобных отцов наших, Господь да помилует нас!
Амвросий оптинский - молитва, житие, храм, икона was last modified: Июнь 8th, 2017 by Bogolub
Псалом 3
Господи, что ся умножиша стужающии ми? мнози востают на мя, мнози глаголют души моей; несть спасения eму в Бозе eго. Ты же, Господи, заступник мой eси, слава моя, и возносяй главу мою. Гласом моим ко Господу воззвах, и услыша мя от горы святыя своея. Аз уснух, и спах, востах, яко Господь заступит мя. Не убоюся от тем людий, окрест нападающих на мя. Воскресни, Господи, спаси мя, Боже мой; яко ты поразил eси вся враждующыя ми всуе, зубы грешников сокрушил eси. Господне eсть спасение, и на людех твоих благословение Твое.
Псалом 53
Боже, во имя твое спаси мя и в силе твоей суди ми. Боже, услыши молитву мою, внуши глаголы уст моих; яко чуждии восташа на мя, и крепцыи взыскаша душу мою, и не предложиша Бога пред собою. Се бо, Бог помогает ми, и Господь заступник души моей; отвратит злая врагом моим; истиною твоею потреби их. Волею пожру тебе, исповемся имени твоему, Господи, яко благо; яко от всякия печали избавил мя eси, и на враги моя воззре oко мое.
Псалом 58
Изми мя от враг моих, Боже, и от востающих на мя избави мя; избави мя от делающих беззаконие, и от муж кровей спаси мя. Яко се, уловиша душу мою, нападоша на мя крепцыи; ниже беззаконие мое, ниже грех мой, Господи; без беззакония текох и исправих; востани в сретение мое и виждь. И ты, Господи Боже сил, Боже Израилев, вонми посетити вся языки; да не ущедриши вся делающыя беззаконие. Возвратятся на вечер, и взалчут яко пес, и обыдут град. Се, тии отвещают усты своими, и мечь во устнах их; яко кто слыша? И ты, Господи, посмеешися им, уничижиши вся языки. Державу мою к тебе сохраню; яко ты, Боже, заступник мой eси. Бог мой, милость eго предварит мя; Бог мой, явит мне на вразех моих. Не убий их, да не когда забудут закон твой; расточи я силою твоею и низведи я, защитниче мой, Господи. Грех уст их, слово устен их; и яти да будут в гордыни своей, и от клятвы и лжи возвестятся в кончине, во гневе кончины, и не будут; и уведят, яко Бог владычествует Иаковом и концы земли. Возвратятся на вечер, и взалчут яко пес, и обыдут град; тии разыдутся ясти; аще ли же не насытятся, и поропщут. Аз же воспою силу твою и возрадуюся заутра о милости твоей; яко был eси заступник мой и прибежище мое в день скорби моея. Помощник мой eси, тебе пою; яко Бог заступник мой eси, Боже мой, милость моя.
Псалом 142
Господи, услыши молитву мою, внуши моление мое во истине твоей, услыши мя в правде твоей; и не вниди в суд с рабом твоим, яко не оправдится пред тобою всяк живый. Яко погна враг душу мою; смирил eсть в землю живот мой; посадил мя eсть в темных, яко мeртвыя века. И уны во мне дух мой, во мне смятеся сердце мое. Помянух дни дрeвния, поучихся во всех делех твоих, в творениих руку твоeю поучахся. Воздех к тебе руце мои; душа моя яко земля безводная тебе. Скоро услыши мя, Господи, изчезе дух мой; не отврати лица твоего от менe, и уподоблюся низходящым в ров. Слышану сотвори мне заутра милость твою, яко на тя уповах; скажи мне, Господи, путь, в oньже пойду, яко к тебе взях душу мою. Изми мя от враг моих, Господи, к тебе прибегох. Научи мя творити волю твою, яко ты eси Бог мой; дух твой благий наставит мя на землю праву. Имене твоего ради, Господи, живиши мя правдою твоею; изведеши от печали душу мою; и милостию твоею потребиши враги моя и погубиши вся стужающыя души моей; яко аз раб твой eсмь.
Псалом 101
Господи, услыши молитву мою, и вопль мой к тебе да приидет. Не отврати лица твоего от менe; в oньже аще день скорблю, приклони ко мне ухо твое; в oньже аще день призову тя, скоро услыши мя. Яко исчезоша яко дым дние мои, и кости моя яко сушило сосхошася. Уязвлен бых яко трава, и изсше сердце мое, яко забых снести хлеб мой. От гласа воздыхания моего прильпе кость моя плоти моей. Уподобихся неясыти пустынней, бых яко нощный вран на развалине. Бдех и бых яко птица особящаяся на кровле. Весь день поношаху ми врази мои, и хвалящии мя мною кленяхуся. Зане пепел яко хлеб ядях и питие мое с плачем растворях, от лица гнева твоего и ярости твоея; яко вознес низвергл мя eси. Дние мои яко сень уклонишася, и аз яко сено изсхох. Ты же, Господи, во век пребываеши, и память твоя в род и род. Ты воскрес ущедриши Сиона; яко время ущедрити eго, яко прииде время. Яко благоволиша раби твои о камении eго, и персть eго ущедрят. И убоятся языцы имене Господня, и вси царие земстии славы твоея; яко созиждет Господь Сиона и явится во славе своей. Призре на молитву смиренных и не уничижи моления их. Да напишется сие в род ин, и людие зиждемии восхвалят Господа; яко приниче с высоты святыя своея, Господь с небесе на землю призре, услышати воздыхание окованных, разрешити сыны умерщвленных; возвестити в Сионе имя Господне и хвалу eго во Иерусалиме, внегда собратися людем вкупе и царeм, eже работати Господеви. Отвеща eму на пути крепости eго; умаление дний моих возвести ми; не возведи мене во преполовение дний моих; в роде родов лета твоя. В началех ты, Господи, землю основал eси, и дела руку твоeю суть небеса. Та погибнут, ты же пребываеши; и вся яко риза обетшают, и яко oдежду свиеши я, и изменятся. Ты же тойжде eси, и лета твоя не оскудеют. Сынове раб твоих вселятся, и семя их во век исправится.
Во время искушений
Псалом 36
Не ревнуй лукавнующым, ниже завиди творящым беззаконие. Зане яко трава скоро изсшут, и яко зелие злака скоро отпадут. Уповай на Господа и твори благостыню; и насели землю, и упасешися в богатстве eя. Насладися Господеви, и даст ти прошeния сердца твоего. Открый ко Господу путь твой и уповай на него, и той сотворит. И изведет яко свет правду твою и судьбу твою яко полудне. Повинися Господеви и умоли eго. Не ревнуй спеющему в пути своем, человеку творящему законопреступление. Престани от гнева и остави ярость; не ревнуй, eже лукавновати, зане лукавнующии потребятся, терпящии же Господа, тии наследят землю. И eще мало, и не будет грешника; и взыщеши место eго и не обрящеши. Кротцыи же наследят землю и насладятся о множестве мира. Назирает грешный праведнаго и поскрежещет нань зубы своими; Господь же посмеется eму, зане прозирает, яко приидет день eго. Мечь извлекоша грешницы, напрягоша лук свой, низложити убога и нища, заклати правыя сердцем. Мечь их да внидет в сердца их, и луцы их да сокрушатся. Лучше малое праведнику, паче богатства грешных многа. Зане мышцы грешных сокрушатся, утверждает же праведныя Господь. Весть Господь пути непорочных, и достояние их в век будет. Не постыдятся во время лютое и во днех глада насытятся, яко грешницы погибнут. Врази же Господни, купно прославитися им и вознестися, изчезающе яко дым изчезоша. Заемлет грешный и не возвратит; праведный же щедрит и дает. Яко благословящии eго наследят землю, кленущии же eго потребятся. От Господа стопы человеку исправляются, и пути eго восхощет зело. Егда падет, не разбиется, яко Господь подкрепляет руку eго. Юнейший бых, ибо состарехся, и не видех праведника оставлена, ниже семене eго просяща хлебы. Весь день милует и взаим дает праведный, и семя eго во благословение будет. Уклонися от зла и сотвори благо, и вселися в век века. Яко Господь любит суд и не оставит преподобных своих; во век сохранятся; беззаконницы же изженутся, и семя нечестивых потребится. Праведницы же наследят землю и вселятся в век века на ней. Уста праведнаго поучатся премудрости, и язык eго возглаголет суд. Закон Бога eго в сердце eго, и не запнутся стопы eго. Сматряет грешный праведнаго и ищет eже умертвити eго; Господь же не оставит eго в руку eго, ниже осудит eго, eгда судит eму. Потерпи Господа и сохрани путь eго, и вознесет тя eже наследити землю; внегда потреблятися грешником, узриши. Видех нечестиваго превозносящася и высящася яко кедры ливанския; и мимо идох, и се, не бе, и взысках eго, и не обретеся место eго. Храни незлобие и виждь правоту, яко eсть останок человеку мирну. Беззаконницы же потребятся вкупе; останцы же нечестивых потребятся. Спасение же праведных от Господа, и защититель их eсть во время скорби; и поможет им Господь и избавит их, и измет их от грешник и спасет их, яко уповаша на него.
Псалом 26
Господь просвещение мое и спаситель мой, кого убоюся? Господь защититель живота моего, от кого устрашуся? Внегда приближатися на мя злобующым, eже снести плоти моя, оскорбляющии мя и врази мои, тии изнемогоша и падоша. Аще ополчится на мя полк, не убоится сердце мое; аще востанет на мя брань, на него аз уповаю. Едино просих от Господа, то взыщу; eже жити ми в дому Господни вся дни живота моего, зрети ми красоту Господню и посещати храм святый eго. Яко скры мя в селении своем в день зол моих, покры мя в тайне селения своего, на камень вознесе мя. И ныне се, вознесе главу мою на враги моя; обыдох и пожрох в селении eго жертву хваления и воскликновения; пою и воспою Господеви. Услыши, Господи, глас мой, имже воззвах, помилуй мя и услыши мя. Тебе рече сердце мое; Господа взыщу, взыска тебе лице мое, лица твоего, Господи, взыщу. Не отврати лица твоего от менe и не уклонися гневом от раба твоего; помощник мой буди, не отрини мене и не остави мене, Боже, спасителю мой. Яко oтец мой и мати моя остависта мя, Господь же восприят мя. Законоположи ми, Господи, в пути твоем, и настави мя на стезю правую враг моих ради. Не предаждь мене в душы стужающих ми; яко восташа на мя свидетелe неправеднии, и солга неправда себе. Верую видети благая Господня на земли живых. Потерпи Господа, мужайся, и да крепится сердце твое, и потерпи Господа.
Псалом 90
Живый в помощи вышняго, в крове Бога небеснаго водворится, речет Господеви: заступник мой eси и прибежище мое, Бог мой, и уповаю на него. Яко той избавит тя от сети ловчи и от словесе мятежна; плещма своима осенит тя, и под криле eго надеешися; oружием обыдет тя истина eго. Не убоишися от страха нощнаго, от стрелы летящия во дни, от вещи во тме преходящия, от сряща и беса полуденнаго. Падет от страны твоея тысяща, и тма одесную тебe, к тебе же не приближится; oбаче oчима твоима смотриши и воздаяние грешников узриши. Яко ты, Господи, упование мое; вышняго положил eси прибежище твое. Не приидет к тебе зло, и рана не приближится телеси твоему; яко ангелом своим заповесть о тебе, сохранити тя во всех путех твоих. На руках возмут тя, да не когда преткнеши о камень ногу твою; на аспида и василиска наступиши, и попереши льва и змия. Яко на мя упова, и избавлю и; покрыю и, яко позна имя мое. Воззовет ко мне, и услышу eго; с ним eсмь в скорби, изму eго и прославлю eго; долготою дний исполню eго и явлю eму спасение мое.
Псалом 39
Терпя потерпех Господа, и внят ми и услыша молитву мою; и возведе мя от рова страстей и от брения тины, и постави на камени нозе мои и исправи стопы моя; и вложи во уста моя песнь нову, пение Богу нашему. Узрят мнози и убоятся, и уповают на Господа. Блажен муж, eмуже eсть имя Господне упование eго, и не призре в суeты и неистовлeния ложная. Многа сотворил eси ты, Господи Боже мой, чудеса твоя, и помышлениeм твоим несть кто уподобится тебе; возвестих и глаголах; умножишася паче числа. Жертвы и приношения не восхотел eси, тело же свершил ми eси; всесожжений и о гресе не взыскал eси. Тогда рех; се, прииду; в главизне книжне писано eсть о мне; eже сотворити волю твою, Боже мой, восхотех, и закон твой посреде чрева моего. Благовестих правду в церкви велицей, се, устнам моим не возбраню; Господи, ты разумел eси. Правду твою не скрых в сердце моем, истину твою и спасение твое рех, не скрых милость твою и истину твою от сонма многа. Ты же, Господи, не удали щедрот твоих от менe; милость твоя и истина твоя выну да заступите мя. Яко одержаша мя злая, имже несть числа; постигоша мя беззакония моя, и не возмогох зрети; умножишася паче влас главы моея, и сердце мое остави мя. Благоволи, Господи, избавити мя; Господи, во eже помощи ми, вонми. Да постыдятся и посрамятся вкупе ищущии душу мою, изяти ю; да возвратятся вспять и постыдятся хотящии ми злая. Да приимут абие студ свой глаголющии ми; благоже, благоже. Да возрадуются и возвеселятся о тебе вси ищущии тебе, Господи, и да рекут выну, да возвеличится Господь, любящии спасение твое. Аз же нищ eсмь и убог, Господь попечется о мне; помощник мой и защититель мой eси ты, Боже мой, не закосни.
«Спаси, Господи!». Спасибо, что посетили наш сайт, перед тем как начать изучать информацию, просим подписаться на наше православное сообщество в Инстаграм Господи, Спаси и Сохрани † - https://www.instagram.com/spasi.gospodi/ . В сообществе больше 44 000 подписчиков.
Нас, единомышленников, много и мы быстро растем, выкладываем молитвы, высказывание святых, молитвенные просьбы, своевременно выкладывам полезную информацию о праздниках и православных событиях... Подписывайтесь. Ангела Хранителя Вам!
Церковь уже много столетий говорит о вреде курения. Медицина поддерживает этот факт. Однако если медики основываются только на биологический фактор влияния никотина на организм человека, то церковная точка зрения заключается только на том, что курение — это грех.
Даже многие священнослужители утверждают, что привычка к табакокурению соотносится к самолюбию, блуду, тщеславию или идолопоклонству. Поэтому многие священнослужители советуют обратиться с молитвой от курения Амвросию Оптинскому, чтобы избавиться от этого не только физического, но и духовного недуга.
Преподобный Амвросий Оптинский
Бросить эту дьявольскую привычку очень сложно. Каждый, кто с ней сталкивался, может это доказать. Церковь это учитывает, поэтому они настоятельно рекомендуют довериться Всевышнему и его Святым. Для чего нужно обращаться к старцу:
- просить помощи против курения;
- побороть демона внутри нас или живущего в каждой пачке сигарет;
- просить укрепить вашу волю.
Помните, что без усилий вы не сможете избавиться от этой привычки. Никогда не стремитесь помочь себе какими-то ритуалами, обрядами или заговорами. Это дьявольская сила. Поймите, что беса бесом изгнать нельзя.
Нужно чтобы ваши желания и возможности совпадали. Если у вас есть желание покончить с этой пагубной привычкой — обращайтесь с молитвой Амвросию Оптинскому. Помните, что нужно сильно верить в Небесные силы и иметь огромное желание избавиться от привычки, чтобы достичь определенного результата.
Молитва Святому Амвросию
Признайте свой грех. При произношении молитвословия необходимо признать, что у вас есть наличие этого недуга. Такое молитвенное обращение идеально подходит паре, желающей вместе избавиться от этой грешной зависимости.
Следующее молитвенное обращение направлено на насыщение Духа Божьего, изгнание бесовской привычки и очищение от скверны. Это молитвословие считается одним из самых сильных и действенных методов для борьбы с курением.
На сегодняшний день многие курящие люди убедились в силе обращения к Святому Старцу, ведь именно он помог им избавиться от курения навсегда.
Текст молитвы Оптинского старца Амвросия против курения:
«Преподобне отче Амвросие, ты, имея дерзновение пред Господом, умоли Великодаровитого Владыку подать мне скорую помощь в борьбе с нечистой страстью. Господи! Молитвами угодника Твоего, Преподобного Амвросия, очисти мои уста, оцеломудри сердце и насыти его благоуханием Духа Твоего Святого, да отбежит от мене далече злая табачная страсть, туда, откуда пришла, во чрево адово».
Помните, что главная суть избавления от табакокурения — это сконцентрироваться на молитвенном обращении. Ведь именно оно помогает перевести вашу концентрацию с вредной привычки на собственную жизнь.
Храни Вас Господь!
Смотрите еще и видео молитву старцу от курения:
Избранный угодниче Божий и чудотворче, великий старче Амвросие, Оптинская похвало и всея Руси дивный наставниче, прославляюще твое в подвизех изрядное житие, приносим многохвальное пение, ты же, яко имеяй дерзновение ко Господу, молися о всех нас, чадех твоих, со умилением зовущих:
Икос 1
Ангельскому житию подражая, отвергл еси вся красная и скоропреходящая тленнаго мира сего и стопы своя направил еси к духовному учителю и прозорливцу старцу Илариону, да наставит тя на путь истиннаго жительства и благословит на подвиги спасения. Он же, провидев грядущее твое богоугодное житие, посла тя в обитель Оптину, и тамо ты обрел еси себе доброе пристанище. Мы же, видяще таковое Божие изволение о тебе, глаголем сицевая:
Радуйся, Богом избранная отрасле благочестия родителей; радуйся, измлада лет твоих Господа возлюбивый.
Радуйся, к книжней мудрости усердие от юности имевый; радуйся, святых отцев духоносное учение познавый.
Радуйся, скорогибнущих благ мира сего отвержение; радуйся, нетленных сокровищ неослабное желание.
Радуйся, Божия произволения о спасении души твоея искавый; радуйся, благословение на путь монашеский получивый.
Радуйся, преподобне Амвросие, богомудрый учителю веры и благочестия.
Кондак 2
Видя сердца твоего благое намерение, Христос предначерта узкий и тернистый путь твоего спасения, и, егда был еси внезапу на смертнем одре болезни, даде Господу обещание: аще исцелит тя, всего себе предати подвигом иночества. Востав же по милости Божией со одра болезни, абие прославил еси всещедраго Бога, Врача душ и телес, зовя: Аллилуиа.
Икос 2
Разум Божественных писаний стяжав, в страсе Божием помышлял еси, како Господь устроит грядущий путь твоего спасения и како вступити на стезю многотруднаго и скорбнаго монашескаго жительства. Мы же, дивящеся твоему благому намерению, воспеваем ти:
Радуйся, на Бога Промыслителя всю надежду возложивый; радуйся, токмо Его благоизволения взыскавый.
Радуйся, всякое испытание во спасение души понести готовый; радуйся, совести своея велению последовавый.
Радуйся, увеселения мирская возненавидевый; радуйся, богатства земная невозлюбивый.
Радуйся, Богу Единому поработати всего себе подвигнувый; радуйся, Тому точию угодити восхотевый.
Радуйся, преподобне Амвросие, богомудрый учителю веры и благочестия.
Кондак 3
Силою любве утверждаяся в вере, поревновал еси Евангельское житие стяжати по образу преподобных отцев Церкве древния. Егда же даде ти Господь разумение сего благоугождения, воспел еси со умилением: Аллилуиа.
Икос 3
Имея крепкую веру во благое промышление Божие о спасении человека, притекл еси к честному образу Пресвятыя Богородицы Тамбовския, еже бысть тебе благословение родительское, и смиренно молил еси Владычицу, да управит путь твой. Мы же, видяще твое неотступное упование на милость Царицы Небесныя, поем ти:
Радуйся, Божия Матере верное и возлюбленное чадо; радуйся, Ея священнаго покрова силы тайное постижение.
Радуйся, благословения родительскаго чрез Ея образ добронравный хранителю; радуйся, Заступницы усердныя благоговейный почитателю.
Радуйся, многочастне в нощи молитвы к Ней слезно возносивый; радуйся, помощь небесную от Нея непостыдно восприемый.
Радуйся, тако утешение в сердце своем обретый сладостное; радуйся, яко умиление приял еси благоотишное.
Радуйся, преподобне Амвросие, богомудрый учителю веры и благочестия.
Кондак 4
Бурею помышлений движимый, пришел еси в обитель преподобнаго Сергия Радонежскаго, да укрепит твое сердце на подвиги предстоящаго иноческаго поприща всея России чудотворец и учитель монашескаго делания, преизливающий от раки своих честных мощей токи благодатныя помощи. Умилився же тамо сердцем, взывал еси с радостию: Аллилуиа.
Икос 4
Слыша велие житие и благочестие богомудрых отцев и старцев Оптины пустыни, тайно оставил еси мир и вся, яже в нем, и пришел еси, не обинуяся, в обитель сию во смирении души, во еже спастися и угодити Богу. Мы же, видяще вящую ревность души твоея, приносим ти хвалебную песнь:
Радуйся, тленная блага мира сего нивочтоже вменивый; радуйся, сладость церковную познавый.
Радуйся, во обитель святую вселивыйся; радуйся, всего себе Богу отдавый.
Радуйся, заповеди Божия неленостно исполнивый; радуйся, плоды Христова учения сладце вкусивый.
Радуйся, подвигов святых отцев ревнителю; радуйся, чистоты душевныя неусыпный хранителю.
Радуйся, преподобне Амвросие, богомудрый учителю веры и благочестия.
Кондак 5
Богозданная пустынь прият тя, яко во объятия отча, в нюже кротко вселился еси и тамо первее понесл еси труды послушания в келии великаго старца, богопросвещеннаго Льва, имже наставлен был еси к духовному деланию. Уведев же сладость отречения воли своея, возопил еси: Аллилуиа.
Икос 5
Видяще твое иноческое преуспеяние, облекоша тя отцы пустыни в ризы схимы великия, и сподоби тя Подвигоначальник Христос благодати ангельскаго чина приобщитися, сего ради вопием ти:
Радуйся, всем сердцем Бога возлюбивый; радуйся, всею душею Ему послуживый.
Радуйся, веру чрез многия труды непреложно утвердивый; радуйся, надеждою на помощь свыше себе вооруживый.
Радуйся, любве евангельския сокровище; радуйся, даров Духа Святаго вместилище.
Радуйся, подвигов монашеских воине доблественный; радуйся, равноангельнаго жития подражателю предивный.
Радуйся, преподобне Амвросие, богомудрый учителю веры и благочестия.
Кондак 6
Проповедник православныя веры и истиннаго жития во Христе Иисусе явился еси, противныя Евангелию и Церкви учения отрицая, и многия от пути заблуждения обратил еси ко Христу Жизнодавцу, поя благодарственно: Аллилуиа.
Икос 6
Возсиял еси, яко свеща многосветлая, в земли Российстей, просвещая всякаго человека, приходящаго к тебе, светом истины, людие же, обремененнии грехми и скорбьми многими, обретоша в тебе богоразумнаго наставника благочестия и добраго отца всем немощствующим, страждущим и уничиженным, воспевающе таковая:
Радуйся, светильниче православныя страны Российския; радуйся, зерцало Божественныя любве.
Радуйся, столпе веры апостольския; радуйся, каменю надежды жизни вечныя.
Радуйся, наставниче во всяких обстояниих боговдохновенный; радуйся, проповедниче покаяния рачительный.
Радуйся, врачу недугов телесных; радуйся, целителю болезней душевных.
Радуйся, преподобне Амвросие, богомудрый учителю веры и благочестия.
Кондак 7
Хотя последовати Самому Христу, подражал еси Ему всеусердно, взем иго Его на себе и, научився от Него кротости и смирению, обрел еси покой души своей, зовущей присно: Аллилуиа.
Икос 7
Новая и дивная звезда святости явися на небе церковнем, егда восшел еси по лестнице духовней к совершенству ангелоподобному, простерл еси лучи любве своея по лицу всея земли Русския и привлекл еси к себе знатная и худородная, мудрая века сего и немудрая, вопиющая к тебе сицевая:
Радуйся, граде, верху горы стояй; радуйся, светило, мрак неведения прогоняющее.
Радуйся, вся немощная врачуяй; радуйся, от бед и прельщений вражеских избавляяй.
Радуйся, печальных утешителю; радуйся, жаждущих духовный напоителю.
Радуйся, хитрословеснаго мудрования века сего обличителю; радуйся, многих заблудших на путь истины исправителю.
Радуйся, преподобне Амвросие, богомудрый учителю веры и благочестия.
Кондак 8
Странником и пришельцем в земном мире предстал еси, взыскующим града небеснаго, и понесл еси тяготы и немощи ищущаго у тебе помощи ближняго, и тако исполнил еси закон Христов, поя с благодарением: Аллилуиа.
Икос 8
Весь огнем Божественныя любве исполненный, крест многотрудный болезней телесных пронесл еси чрез все твое иноческое житие, в терпении стяжав душу твою, по слову Евангелия Христова, и всех нас научил еси безропотному крестоношению, зовущих ти:
Радуйся, вождю ищущих спасения; радуйся, образе истиннаго послушания.
Радуйся, сам тяжкие недуги до конца претерпевый; радуйся, приходящия к тебе в болезнех и печалех терпению научивый.
Радуйся, паствы твоея изрядный душепопечителю; радуйся, алчущих жизни вечныя питателю.
Радуйся, обидимых покровителю; радуйся, непокорных воли Божией вразумителю.
Радуйся, преподобне Амвросие, богомудрый учителю веры и благочестия.
Кондак 9
Все естество человеческое в болезнех и телесных немощех испытал еси, плоть распяв со страстьми и похотьми, и молитвою неустанною отгонял еси напасти и искушения лукавых духов и тем вся научал еси противостати кознем диавольским, взывая с верою: Аллилуиа.
Икос 9
Витийства суемудрых, неведавших силы веры православныя, отметал еси словом Божиим и чистым житием твоим и воистину возсиял еси, яко светозарный столп благочестия и хранитель святоотеческаго предания, усердно прелагая древняя писания отцев в письмена удобовразумительная. Мы же, дивящеся трудом твоим, воспеваем сице:
Радуйся, веры правыя адаманте; радуйся, жития по вере крепосте.
Радуйся, духа благочестия насадителю; радуйся, добродетелей христианских сеятелю.
Радуйся, подвигов старчества преуспеяние; радуйся, множества иноков духовное просвещение.
Радуйся, приведый тех ко спасению; радуйся, обративый многия грешныя к покаянию.
Радуйся, преподобне Амвросие, богомудрый учителю веры и благочестия.
Кондак 10
Спастися взыскующим Царства Небеснаго вспомоществуя, верный путеводитель явился еси, мирския и духовныя управляя; на конец же лет своих многия труды положил еси, обитель Шамординскую убогим устрояя, да сестры тоя обретут душевный покой и спасение, воспевающе песнь хвалебную: Аллилуиа.
Икос 10
Стена и прибежище был еси чадом твоим, молитвами неусыпными от демонских наваждений охраняя; на невидимую брань с духи злобы вдохновлял еси их, гордость и славолюбие смирением упраздняя. Темже радующеся зовем ти:
Радуйся, стрелы вражия угасивый; радуйся, демонския полки победивый.
Радуйся, пленных от духов злобы свободивый; радуйся, из темницы страстей многия души изведый.
Радуйся, любовию и молитвами заблудшия к Богу обративый; радуйся, сирот и вдовиц добрый попечителю.
Радуйся, водительства иноков и инокинь богоносный зиждителю; радуйся, смиренномудрия и кротости доброгласный проповедниче.
Радуйся, преподобне Амвросие, богомудрый учителю веры и благочестия.
Кондак 11
Пение умиленное приносим ти, скорому помощнику в нуждах и печалех всем, к тебе с верою и любовию притекающим, до конца бо дней своих был еси чадолюбивый отец страждущих и обремененных, чающих утешения души. Темже неложно прославляется тобою Бог, дивный во святых Своих, зовущих непрестанно: Аллилуиа.
Икос 11
Светильника добродетелей видеша в тебе вси концы, отче наш Амвросие, яко в терпении и смирении земное странствие скончал еси и исполнил еси вся, яже заповеда нам Христос во святем учении, и преселился еси от земли на небо, внидя в радость Господа своего, яко верный раб Христов. Темже радующеся воспеваем ти таковая:
Радуйся, усердный слуго, сотворивый волю Господина своего; радуйся, воине Христов, суету житейскую оставивый.
Радуйся, Богу Единому послуживый; радуйся, вся заповеди Божия исполнивый.
Радуйся, обители небесныя удостоивыйся; радуйся, горния славы приобщивыйся.
Радуйся, наследниче жизни вечныя; радуйся, угодниче Божий прехвальный.
Радуйся, преподобне Амвросие, богомудрый учителю веры и благочестия.
Кондак 12
Благодати Божия сокровище некрадомое унаследовал еси и тихое, безмятежное пристанище на небесех обрел еси. Действием же промысла Божия во дни торжествуемаго тысящелетия Крещения Руси прославлен и к лику святых причислен был еси. Ныне, ублажающе память твою святую, поем вси: Аллилуиа.
Икос 12
Поюще твое всероссийское прославление, возносим ти, яко благоухание кадильное, смиренныя наша молитвы: не забуди чад твоих, почитающих имя твое святое и взывающих к тебе в благодарении:
Радуйся, Амвросие, Божественнаго безсмертия тезоименитый; радуйся, Церкве Православныя честная похвало.
Радуйся, лика святых угодников причастниче; радуйся, сонма преподобных отцев сотаинниче.
Радуйся, пред Престолом Бога Всевышняго наш твердый предстателю; радуйся, пред судом Божиим наш теплый ходатаю.
Радуйся, нас, странствующих во юдоли плачевней, путеводителю; радуйся, о всей земли Российстей неусыпный молитвенниче.
Радуйся, преподобне Амвросие, богомудрый учителю веры и благочестия.
Кондак 13
О, дивный угодниче Христов и чудотворче, преподобне старче наш Амвросие, приими ныне малое моление недостойных чад твоих, не остави нас в скорбех и болезнех, прииди и простри руку помощи, настави нас на путь покаяния и спасения, во еже избавитися муки вечныя, да тобою присно славим Бога, вопиюще: Аллилуиа.
Этот кондак читается трижды, затем 1-й икос «Ангельскому житию …» и 1-й кондак «Избранный угодниче…».
Молитва 1-я
О, великий старче и угодниче Божий, преподобне отче наш Амвросие, Оптинская похвало и всея Руси учителю благочестия! Славим твое во Христе смиренное житие, имже Бог превознесе имя твое, еще на земли тебе суща, наипаче же увенча тя небесною честию по отшествии твоем в чертог славы вечныя. Приими ныне моление нас, недостойных чад твоих, чтущих тя и призывающих имя твое святое, избави нас твоим предстательством пред Престолом Божиим от всех скорбных обстояний, душевных и телесных недугов, злых напастей, тлетворных и лукавых искушений, низпосли Отечеству нашему от великодаровитаго Бога мир, тишину и благоденствие, буди непреложный покровитель святыя обители сия, в нейже в преуспеянии сам подвизался еси и угодил еси всеми в Троице славимому Богу нашему, Емуже подобает всякая слава, честь и поклонение, Отцу и Сыну и Святому Духу, ныне и присно, и во веки веков. Аминь.
Молитва 2-я
О, преподобне и богоносне отче наш Амвросие! Ты, поработати Господеви желая, зде вселился еси и неленостно во трудех, бдениих, молитвах и постех подвизался еси и был еси наставник монашествующим, всем же людям учитель ревностный. Ныне убо, по отшествии твоем от земных, Небесному Царю предстоя, моли благость Его, еже ущедрити место селения твоего, святую обитель сию, идеже духом любве твоея неотступно пребываеши, и всем людем твоим, с верою к раце мощей твоих припадающим, во благая прошения их исполнити. Испроси у милостиваго Господа нашего, да низпослет нам обилие благ земных, паче же яже на пользу душ наших да дарует нам, и скончати житие сие привременное в покаянии да сподобит, в день же судный деснаго предстояния и наслаждения во Царствии Своем да удостоит во веки веков. Аминь.
Молитва 3-я
О, всечестный старче преславныя и дивныя Оптины пустыни, преподобне и богоносне отче наш Амвросие! Церкве нашея доброе украшение и благодатный светильниче, небесным светом всех озаряяй, красный и духовный плод России и всея подсолнечныя, души верных обильно услаждаяй и увеселяяй! Ныне с верою и трепетом припадаем пред цельбоносною ракою святых мощей твоих, ихже на утешение и помощь страждущим милостивно даровал еси, смиренно молим тя сердцем и усты, отче святый, яко всероссийскаго наставника и учителя благочестия, пастыря и врача душевных и телесных недуг наших: воззри на чад твоих, зело согрешающих в словесех и делех, и посети нас многою и святою своею любовию, еюже славно преуспел еси еще во дни земныя, наипаче по праведней твоей кончине, наставляя в правилех святых и богопросвещенных отцев, вразумляя нас в заповедех Христовых, в нихже добре поревновал еси до последняго часа твоея многотрудныя иноческия жизни; испроси нам, немощствующим душею и бедствующим в скорбех, благоприятное и спасительное время на покаяние, истинное исправление и обновление нашего жития, в немже мы, грешнии, осуетихомся умом и сердцем, предахом себе непотребным и лютым страстем, пороком и беззаконием, имже несть числа; приими убо, соблюди и покрый нас кровом твоея многия милости, низпосли нам благословение от Господа, да понесем благое иго Христово в долготерпении до конца дней наших, чающе будущаго живота и Царствия, идеже несть печаль, ни воздыхание, но жизнь и радость безконечная, изобильно проистекаемая от Единаго, Всесвятаго и Блаженнаго Источника безсмертия в Троице покланяемаго Бога, Отца и Сына и Святаго Духа, ныне и присно, и во веки веков. Аминь.